Efnið á síðunni er gjaldfrjálst og þannig verður það alltaf. 

Þessi texti er í vinnslu.

ÍSAN-kennsla í FB 

Markmiðið er að skapa hvetjandi og skapandi námsumhverfi sem býr nemendur undir bæði frekara nám og virka þátttöku í samfélaginu.

Áherslur verkefnisins:

• Markviss tileinkun orðaforða: Við leggjum mikla áherslu á tileinkun orðaforða með kerfisbundinni notkun námsorðaforðalista og sjónrænna orðaforðalista. Við vinnum markvisst út frá tíðni orða og hönnum verkefnin þannig að nemendur tileinki sér orðin og geti notað íslensku af öryggi í námi og daglegu lífi.

• Skýr gæðaviðmið, samfella og mælanlegur árangur: Námsefni og matskvarðar eru beintengd við Evrópska tungumálarammann (CEFR) á stigum A2, B1 og B2 til að tryggja að færniviðmið séu skýr og færniþættirnir þjálfaðir. 

• Munnleg tjáning í forgrunni: Til að efla sjálfstraust og færni leggjum við ríka áherslu á fjölbreytt munnleg verkefni og hvetjum nemendur til að tala sem allra mest á íslensku við kennara og samnemendur. Til stuðnings nýtum við einnig gagnvirkar æfingar sem hjálpar nemendum að þjálfa íslenskan framburð.

• Stafræn færni og fjölbreytt nálgun: Við fléttum tækni inn í kennsluna til að búa til grípandi, sjónrænt og fjölbreytt námsefni sem mætir ólíkum þörfum nemenda og styður enn frekar við þeirra nám.

Þessi nálgun gerir íslenskunámið að lifandi og hagnýtu ferli þar sem nemandinn fær þau verkfæri sem hann þarf til að blómstra í íslensku samfélagi.