,,Sjónrænn orðaforði vísar til hæfni lesara til að þekkja orðmyndir á sjálfvirkan og fyrirhafnarlausan hátt þannig að hann geti einbeitt sér fullkomlega að merkingu orðsins en stærð sjónræns orðasafns hefur áhrif á lesfimi nemandans. Þessi sjálfvirkni verður til eftir því sem lesarinn sér orðmyndina oftar en fjöldi skipta, sem það tekur lesara að festa orðmynd í langtímaminni, er nokkuð einstaklingsbundinn. Mikilvægt er að þjálfa sjónrænan orðaforða í gegnum mikinn lestur á samfelldum texta en stundum getur verið að gagnlegt að grípa til þjálfunar orðalista til að auka fjölbreytni í þjálfun. Lesarar ættu alltaf að vera búnir að ná tökum á tengslum bókstafs og hljóðs áður en slík þjálfun hefst.

Orðalisti með 1000 algengustu orðunum í útgefnu námsefni býður upp á margs konar þjálfun við lestur og ritun á sjónrænum orðaforða í lestrarkennslu. Þjálfunin getur verið hluti af lestrarkennslu, vinnu með samfelldan texta eða þáttur í íhlutun fyrir nemendur sem eru búnir að ná tökum á tengslum bókstafs og hljóðs en þurfa markvissa lesfimiþjálfun. Allra mikilvægast er að þjálfunin byggi á skýrum markmiðum og góðum kennslufræðilegum rökstuðningi en þannig gagnast hún nemandanum best."  Lesið nánar um þetta góða námsefni og aðferðir með því að smella hér.  .👉📑.👁

• Námsleikirnir á þessari síðu eru byggðir á Sjónræna orðaforðalistanum og eru hugsaðir sem stuðningsefni við hann.

• Nemendur eiga að ...

               *  lesa👁 

               *  hlusta 🎧 

               * endurtaka 🦜

               * og raða bókstöfum 🧩 ✅ í rétta röð. 

• Við leggjum áherslu á hittni og lærum að tengja saman hljóð og bókstafi í gegnum leikinn. 

• Við vinnum alltaf með 20 orð í senn og leggjum áherslu á hvernig þau eru notuð.

• Ég hvet ykkur öll til að skrifa orðin niður þegar þið ljúkið við hverja einingu og þjálfa ykkur saman í að nota þau í heilum setningum. 

• Það er mikilvægt að tala  um orðin á skemmtilegan hátt, leika sér með þau og gera þau lifandi. Þannig stuðlum við líka að því að þau festist í langtímaminninu.

Hvernig myndir þú nota orðið í setningu?